كان واحد الطلاب (متسول) يطلب وما يحمش الدراهم من الناس الي عاصيين والديهم ولي يمدلو 5 ولا 10 دج يسقسيه اذا عاصي والديه ما يحكمهومش عليه واحد المرة جا واحد مدلو مليون وقالو بصح انا عاصي والديا قالو الطلاب جيب جيب ماعليش حتي الوالدين ساعات يوصلوك .

- قالك جحا سلف عند جارو ميات الف (1000دج) وكي جا جارو يدي الامانة جحا رجعهالو وزادلو معاها عشر الاف(100دج) قالو جارو واش هاذي العشر الاف جحا قالو الميات الف تاعك ولدت واشنو راهي فالنفاس وما لازمش تخرج من دارك جارو داه الطمع قالو كي تكمل النفاس نجي نديها علي يامات رجع ليه وقالو اعطيني الميات الف وبنتها جحا قالو هاك بنتها ويماها المسكينة ماتت فالنفاس قالو كيفاش تتمسخر بيا ميات الف تموت قالو جحا كيفاش كي قلتلك ولدت امنتني (صدقتني) بصح كي ماتت ماتامنيش .

- واحد مزطول (محشش) شاف بلاكة مكتوب عليها مزرعة الابقار سقسي الراعي قالو يرحم باباك كيفلش تزرعو الابقار ?

- واحد مزطول شاف واحد عندو خانة فوق عينو قالو واش هاذي عين ولا غين.

- واحد الشرطي حابس (غبي) كان يتكلم بالاسلكي قللهم المشبوه ركب طاكسي وانا ركبت طاكسي للتمويه المشبوه دخل للقهوة وشري قازوز وانا شربت جو(عصير) للتمويه المشبوه راح من طريق بومرداس وانا رحت من طريق تيبازة للتمويه .

- قلك جزايري و واحد صيني كانو يخدمو فالشونطي (ورشة) الصيني طلع فالسلوم والجزايري كان يشدلو من التحت فالسلوم .الصيني طاح من السلوم من الطابق 2 حتي التحت تم تم عاود ناض وعاود طلع يخدم الجزائري ادي عطلة مرظية 10 ايام من الخلعة.

جميع الحقوق محفوظة 2010 عند عمك صهيب

[b][center]

مشكوووووور اخي........

ههههههههههههه

بارك الله فيك وعل الله الابتسامات مرسومة على شفاه الجميع

مشكور اخي