Hitskin.com

[size=25]اليوم حبيت نشارك بهالموضوع وان شاء الله يعجبكم

وهو اننا نقعد قعدة سمحة ونتكلمو فيها باللهجة السوفية

صحيتو وشحالكم لباس نايا باش نقلكم هالمنتدى هذ راهو سمح ياسر فيه حوايج سمحة ياسر

ويلي ميعرفش السوفية

نعلموه اللهجة السوفية

غير يتفضل معانا
ها الفكرة منقوله من احد المنتديات السوفية
نتمنى انكم تشاركوني

ومتخافوشي مشيني انصعب عليم الكلام السوفي

راهو ساهل غير حطو بالكم مسقم
[/size]

زائر

اهو اني حضرت وانضميت للقعدة لاكني ممكن احتاج الى ترجمان من وقت لاخر هههه

مكانش حتى مشكل راني هنا

في اي وقت

زائر

الله يخليك اختي

المهم ابدو القعدة واني حاضر

مشكورة اختي على القعدة وكي تبداوا راني هنا

ومتنساوش الترجمة هههههههه

الاني اللهجة السوفية منفهمهاش

تحياتي للجميع

واش عتقولوا فيها هذي القعدة السوفيه

يا حنناتي والا حابين انجيبلكم طبسي امنقر وشوية حليب بارد

بصح راه مزال لمنقر ما بداشي بعد

بصح البطيخ راه كاين وياسر

بصحتكم يا اهل هذا المنتدى

مشكورة اختي علي هدي القعدة
ولكن لزم مترجم هههههه

تقبلي مروري

ينجيك ويخليك ان شاله

بصح حطوا انتم حداثة نجبدوا عليها في ها القعدة

باه منعدوشو نتدثوا هكاكه

ياله منهو يبدى

ولا نديروها غير لشرح المفردات ؟

شكرا يا عماد على طبسي ولا نقولو شقاله ههههههههههه

تاع لمنقر هذا عندك هود ولا هي نخلة بركه ؟

دبر راسك وجيبنا تو

لا مفر راني لصقت فيك

وحلت روحك

جيبلي لمنقر نا

ولا وشو ؟؟؟؟؟؟؟؟؟؟؟؟؟؟

والله حاجا مافهمتها ممكن شرح

متخافش اخي

انا موجودة للترجمة

الاخ عماد قال راهو حاب يجيبلكم المنقر ( وهو التمر الاصفر يلي مازال مطابش )

في طبسي يعني حاجه يحطو فيها الاكل

مشرف عدد الرسائل : 1393 تاريخ التسجيل : 15/02/2009

مشكورة اختي احلام تقول طليتي على قلبي

انا حابة بزاف نتعرف على اللهجة السوفية متبخلوناش

ونشكر عماد الدين على شقالة تاع المنقر

زائر

انك نسيت خويا التمر مايعجبش الى مامعاه اللبن المهم راني فكرتك برك

ههههههههههههه عادي يا خوبا غير قول واحنا نجيبولك

[color=blue]على حساب الطلة على ها القعدة وليتو كلكم ماتعرفوشي السوفية ومحتاجين ترجمان رغم ان السوفية اقرب للفصحى مثل ما انقول الخشم علانف وخش بمعنى ادخل وتو اي في الحين ...انتم منتسبين لمنتدي سوفي ولازم يكون في بالكم هذا...وانت ياختي رانية حسبتك سوفية وخاب تخميني معاليشي راح نعرضك على مطبقة بالبرطلاق بعدها كمية تاي احمر بالقرنفل معاه الكوكاو تاع الجنان السوفي و مع العشوة نديك للحوض بحذا البير تعومي وتشوفي السيوف تاع الرمل بالذكار وتردلي الخبر ادا عجباتك سوف وكان فهمتي ما قلت يا بنيتي يعطيك الصحة والعافية [/color] Laughing

ربي يبارك يا رتاج راكي تعرضي في الغاشي بصح متنسيناشي

وانا عليا نديرلها قصرة سوفية سمحة

ومع الصباح نوضوها بكرى نش متقيلشي عليها القايلة

تعرفي قايلة السوافة تو تبقل

اتني اقبلي الدعوة وخلي الباقي علينما يا وخيتي

راني قبلت دعوتكم ولكن فهمولي واش هدا الاكلات

مطبقة بالبرطلاق

والله شوقتيني اخت رتاج باه تشوف واد سوف

السلام عليكم

اختي المطبقة هي المحجبات بالبرطلاق وهي نبته تاكل كي السلق

نشكرك على شوقك لسوف

وكيفاش كاين مطبقة بالبورطلاق عمري ماسمعت بيها اربي ضوقينا نقشه منها خلي نذوقو شوي وزيديلها الكرويه والفلفل الحار

انا ما انحبش الكروية وللفلفل الحار ولا الرغيدة تاع قمار

ولا المقرونة ولا كسرة امسوكة
تاع قمار

واش تحب تاكل يا باشا هههههههههههههههههههههه

مشكورة أختي

تو الدنيا بردت والحداثة لازمها عصيدة حارة بش اتدفي الحالة

والله يا جماعة راهي الدنيا باردة اقلاص اليوم لازمها عافية سمحا ومعاها كمية تاي على الجمر

وش رايكم في قعدة سوفية ؟؟؟؟؟؟؟؟؟؟؟؟؟؟؟ 1_31256837312

أي حداثة حتى هاذي لكن ويها العافية راهم حتى الحطب منعوه كلاش ديبانينا بالكرناف حتى يديرلها ربي طريق وندبرو عويدات نتاع حطب
بالصح راهي كاينة الزيتة يبيعو فيها حتى وكانها النار نتاعها بشعة

متنشاش تجيب لتاي وخليها قعدة لصباح وصهيب يطيبنا الملة وشوية شتيكات على الجمر وش رايكم في قعدة سوفية ؟؟؟؟؟؟؟؟؟؟؟؟؟؟؟ 396682

عني وعن زماني يرويحتي ومتنساش جيبلنا معاك عويدات حطب ملاح

وش رايكم في قعدة سوفية ؟؟؟؟؟؟؟؟؟؟؟؟؟؟؟ 818305

رانا جعنا مزال مابنوش ؟؟؟؟؟؟؟

وليه هو انت التو مفطرتش
طيبنا دشيشة تو نشوف كان مزال منها شوي نجيبلك

يرحم الله والديك اطلقنا راني خلاص ماطقتش تشتشية واللي تجيبها خويا ناكلها وش رايكم في قعدة سوفية ؟؟؟؟؟؟؟؟؟؟؟؟؟؟؟ 478504

استني عندك وحد الربيع ساعة ونجيك

سوافة مالا عنبطلو ؟؟؟

قال واحد

ههههه

يالله الحداثة هذي وين كانت مدرقة عليا

هاي طاحت فيدي تو

سمو بسم الله

يا حمااااااااا

الشويهات وكلتهن ولا لا

ههههههههههههه

ازرب اقدي العافية

راني قندت من البرد اوك عني

ههههههههههههههههه

والسلام عنكم واش لحوال ان شاء الله لاباس والامور واضحة

حبيت نصقصيكم على هظاكا النميرو اللي يدرقوه تاع البورطابلات بارك الله فيكم اللي عارف يورينا كيفاش وربي يهنيكم على خير

رانا نسالوك كسرة الملة وجدلي روحك وش رايكم في قعدة سوفية ؟؟؟؟؟؟؟؟؟؟؟؟؟؟؟ 139647

حبيت اسقسيكم بارك الله فيكم على هذيكا العفسة الي يدرقو بيها النيميرو تاع البورطابلات

الي يعرفا يتصل بنا على النيميرو هذا ويني

0523657896

يبعثلي العفسة تاع تدريق النيميروات

عمري ما شفت نيمرو كيماهكا
0523657896

من فين جبت هدا الرقم
أرجوكم علموني اللهجة السوفية

تو نبعثلك النيمرو نتاع التدراق اللي تحوس عليه في مساج خاتي النيمرو يجيك امسكي عنشان بش نبعثه من الفيكس نتاع الحوش طحت بعفسة فيه تبعث الميساجات خاتي النيمرو يخرج امسكي معرفتاشي من واش
ورانا دايرين عشانا بركوكش معروف اللي حب يتعشى مرحبا بيه وجيبو معاكم غناجي غناجينا غدن في طهور ولد جيراننا

انظن عرفته اللي يدرقو بيه النوامر

هذاكا الي يسموه
الماسكي = maski

اديره كي اتكلم واحد نمروك ايدرقوه

او كاين السيلونس
السيلونس = silanes

هذاكا كي ايكلمك واحد يبقى البورطابل التاعك ساكت يفبري برك

فهمتوني تو
ولا انزيد انعاود

وش حالكم ان شاء الله

اكل لباس

واخيرا رجعت حاسه روحي غبت عام

اه الحمد لله رجعنا بعد ايام شاقة

مرحبا بيك والحمدولله على سلامتك

الله اسلمك

» ايش رايكم ....؟؟؟
» ما هو رايكم
» اعطونا رايكم فى .............