Hitskin.com

بسم الله الرحمان الرحيم

اخترت لكم اليوم بعض البوقالات

هي لعبة كانت تسلية النسوة العاصميات في القديم خاصة ناس القصبة

اولا راح اخبركم كيف كانت تلعب كانت تلعب في المناسبات الخاصة سهرات رمضان الاعياد

عاشوراء الافراح والمناسبات

السعيدة لي تجتمع فيها كل افراااااااااااااااااااااااد العائلة

كانت السيدات والعجائز و البناااااات" لعواتــــق" الشابات تجلبن اناء من الفخار الذي

يسمى" البوقال" مملوء بالماء وكل وحدة

تضع في البوقال خاتمها الخاص لي دايما ترتديه والعجائز تحضر*** البوقالة *** والبوقالة هي كلام باللهجة الجزائرية

عبارة عن شعر شعبي يكون بمثابة الفال **الجميل**او **السىء**

المهم البنات تعقد نية سماع البوقالة على شخص او حدث منتظر

بعد ما تعقد كل بنت نية سماع البوقالة تقوم احدى العجائز بقول بوقالة وكل البنات

مصغيات فاذا كانت البوقالة جميلة

وفالها حلو تجد كل الفتيات متشوقات حتى يعرفن من صاحبة البوقالة الجميلة وكل وحدة

تتمنى تكون هي صاحبتها واذا

كانت البوقالة كلامها فال سىء او حزين فتجد كل واحدة خائفة من ان تكون هي صاحبة

البوقالة ....و ماان تدخل العجوز

صاحبة البوقالة يدها في البوقال... ينتهي القلق والتشويق والترقب ...لانها ستختار

عشوائيا خاتما من الخواتم

الموجودة فيه وبالتالي صاحبة الخاتم هي صاحبة البوقالة

انا اليوم جمعتلكم مجموعة من البوقالات وكل ما عليكم فعله هو عقد النية على شخص معين او حدث منتظر بعدها

ا

اختاروا من 1 الــــــى 27

اختاروا قبل النزوووووول

/
/
/
/
/
/
/

بسم الله بديت...... و على النبي صليت ..... يا ربي كملي واش نويت

1-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني

2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو

ما في مين يعلى عليا

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي

لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى

بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة

....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباب

بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب

نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم

وانا حجرة تبهيك ...وين تروح تلقاني وغير انا لي نديك

11ـ هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

12 لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى. ـ

13ـ رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

14ـ مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلي استشفى في

15 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

16ـ ديديويا..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

17ـ الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوبـ.

18ـ خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة

19ـ ـحوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

20 يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

21 ـ محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

22 ـ جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

23 ـ جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاهي و سلطاني.

24 ـ امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .

25 ـ نبعث لكم دموعى في مشوار ازرق ، و نبعث كلامي في برية تحرق ، ما ننساك يا ناسى بحق مكة و بلاطها لزرق.

26ـ سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعيا و يحن ، وتتعمّر النافورة ، ونعودوا لزمانا
كيما كنا

27ـ خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ،
قالى : روحى لدارك تصيبيها قدّامك .

كل واحد يقول لي فالو

شكرا على اللعبة الجميلة عبير

انا اخترت رقم 20

وطلع عندي ما يلي

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

هذا منتدى تاع السوافة واش جاب البوقالات عندكم..

بصح عندك معلومات لاباس بيها

و حتى البوقالات لي درتيهم بزاف شابين يعطيك الصحة ختيتو[left]

و أنا خيرت البوقالة رقم 15 راني عقدت و نويت ان شاء الله تصدق برك

بارك الله فيك حبيبتي عبير الجنه

يا ريت كل أخت وأخ يشارك مع إخوته السوافه

بما عنده في المنطقة التي يسكن بها

وما بالك إذا كان من الولاية الأم وهي ألعاصم

تزيدنا شرفا

أنا خيرت رقم عشرة

10-أنت سبيبط.... وانا خويط فيك.... انت سنيسلة....

وانا خمسة تحميك... انت خويتم

وانا حجرة تبهيك ...وين تروح تلقاني وغير انا لي نديك

تقبلي مروري

بارك الله فيك عريزي

انا اخترت رقم 10

مشكورة تقبلى مروري

شكرا لك على الموضوع اختي عبير

انا اخترت الرقم 10

تحياتي لك

7ـ خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ،
قالى : روحى لدارك تصيبيها قدّامك .

مشكورة فالي جا في الصميييييييييييييييييييييييييييم

ـ خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة

ان شاء الله

زائر

ـ خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة

ان شاء الله

مشكووووووووووووووووووووووور

شكراا

-6الاسمر يا لسمر ...يا شباب الحومة ....وشبيك غضبان وزعلان
علينا.... احنا ما نسوى

بلا بيك... لوجه ربي... راضينا وراضى
علينا
مشكورررررررررررررررة

الله يحفضك انا اخترت 27

انا اخترت الرقم 16

وشكرا

انا اخترت الرقم 7

- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة

....تروح وين تروح... بصح تعيا ترجع ليا ونرد لقلبك الحريق

وشكرا

مشكورة اختي انا اخترت رقم 27

-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى

بلا بيك... لوجه ربي... راضينا وراضى علينا

ادخل و انوي فالك " البوقالات" Lol

16ـ ديديويا..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباببيض ولا سمر ...المهم هولي يملالي عيني

-خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين
ادخل و انوي فالك " البوقالات" 473540

انا اخترت رقم اربعة وشكرا لك

» "Goal" كالعادة : "ديما ، بيدرو" In .. "إنييستا ،ميسي" Out والفوز لـ "برشلونة" !!!
» إستعداداً للموسم المقبل وبعد حفلة "u2" : أرضية ملعبنا "كامب نو" في حلةٍ جديدةٍ !!!
» "كريم بنزيمه" يعترف : "كنت سأنتقل للبارسا .. فغيرت قراري لأن فريقي لا مثيل له" !!!