موسوعة النّكت الجزائريّة ....فاتك الكتير

السلام عليكم

1-خطرة واحد مشحاح(بخيل)حلم روحو يصدق فالدراهم على الفقراء،أيا مالا كي ناض قال:والله مانزيد نرقد.
****************************** ****************************** ***************
2-واحد بخيل دخلّو مسمار في رجلو
راح لطبيب باه ينحيهولو
قالو الطبيب نحيهولك ب2000دينار
قالوا البخيل:عوجوا وخليه ثمّة
****************************** ****************************** **************
3-خطرة واحد أبوه بخيل راح ليه قالو:بابا حلمت بيك البارح عطيتني 5 دنانير
فرد الاب البخيل عليه:أيا ردهملي لهنا تراش.
****************************** ****************************** **************
4- ايا مالا واحد بخيل يسكن الطابق ال9
كان يطل من البالكو طاحتلوا 10دينار
هبط يحوس عليها مالقاهاش,في رايكم لاه؟
لحق لتحت قبلها.
****************************** ****************************** **************
5-بخيل دخل للمرحاض ومخرجش لاه في رايكم؟...........مكتوبة من الداخل ادفع.
****************************** ****************************** **************
6-بخيل بنى باطيمة(عمارة)وعاود ريبها ،لاه.......................نسى 1دينار تحتها.
****************************** ****************************** **************
7-خطرة زوج بخلاء تفاهموا يتسابقو جريا حتى للمطعم،و اللي يجي الأول يعرض صاحبو للعشاء،لحد الآن مازالو ماوصلوش ليه.
****************************** ****************************** ************
8-خطرة قالوا لبخيل أتبرع ، قالهم: لاه؟قالولوا:رايحين نبنيو حيط للمقبرة.قاللهم:سبحان الله،لاه الموتى عادوا يهربوا.
****************************** ****************************** *************
9-خطرة بخيل تزوج بوحدة بخيلة جابوا طفل حطّوه في بنك.
****************************** ****************************** *************
10-خطرة بخيل تزوج راح لشهر العسل وحدو.
****************************** ****************************** *****************
11-وحد الخطرة ثلاثة تاهوا في الصحراء لقاو مصباح سحري خرجلهم جني وقاللهم شبيك لبيك الشيء لي تطلبو بين يديك , قالو اللول رجعني لبلادي, رجعوا لبلادو, الثاني قالوا رجعني لعائلتي, رجعو لعائلتو,بقا غير الثالث شرّ في شرّ , قالو الجني واش تطلب،قالو الماكر رجع عزرينهم في زوج لهنا
****************************** ****************************** ****************
12-أيا وحد الخطرة واحد السيد روشارشي (مطلوب لدى الشرطة) جاوتوا الشرطة قالولو اركب قاللهم شكرا الدار قريبة
****************************** ****************************** ****************
13-واحد الراجل كلا طرف تاع خبز لقا فيه النمّال(النمل)واش دار في رايكم؟......................شر ب الفليطوكس ( مبيد الحشرات)
****************************** ****************************** **********************
14-زوج مهابل دخلو للبحر يعوموا غرق واحد منهم جبدو لاخر أيا مالا رجعو للمصح تاع المهابل جا ليه الطبيب وقالو نتا راك درت حاجة هايلة كي أنقذت صاحبك ربّما راك ارتحت(شفيت) بصح كاينة حاجة ماشي مليحة صاحبك من بعد ما انقذتو راهو انتحر شنقا،قالو المهبول أواه راك غالط ما انتحرش أنا لي علقتوا باه ينشفوا قشوا برك. هههههههههههههه
****************************** ****************************** *****************************
15-واحد الشيخ دخل الى الصيدلية قالو عندك النعناع قالو الصيدلي مكانش غدوة زاد ولى الشيخ لهذاك الصيدلي و زاد سقساه نفس السؤال زاد قالو مكانش مالا غير غدوة راح جاب الصيدلي النعناع جا الشيخ مرة اخرى زاد قالو كاين النعناع قالو الصيدلي كاين ايه،قالّو الشيخ عمري ما شفت صيدلي يبيع النعناع.
****************************** ******************************
*********************

ابتسم للحياة

صــــــــــــهيب
24/06/2010
موسوعة النّكت الجزائريّة ....فاتك الكتير 953394