اخواتي عجبتنب هذه الوصفة حبيت تفوها معايا

بسم الله الرحمن الرحيم

السلام عليكم و رحمة الله

كيف الحال أخواتي . اليوم عندي لكم وصفتي الخاصة
الاقتصادية و السهلة طبعا لعجينة الشو . عملتها منذ قليل. لذيييييذة و
عجبت كل العائلة. صراحة هذه ثاني تجربة لي منذ 3 سنوات . غيرت في الوصفة و
استبدلت الزبدة بالزيت (طبعا علبالي بلي عمركم ما شفتو عجنية الشو بالزيت ) . راهي سهلة و خفيفة جربو و ما تندموش . و زيد خير من المشرية
المكونات
العجينة: 1 كاس ماء ، 1 كاس فرينة، 1/2 كاس زيت ، 2 م ك سكر أحرش، رشة ملح، 3 بيضات.
الكريمة :


لتر حليب، 3 ملاعق
كبيرة نشاء (مايزينة)، 6 ملاعق كبيرة سكر أحرش، 2 ملاعق كبيرة كاكاو،
فانيلا، علبة شكلاطة تاع 100 غ ( بريمة أو البقرة الصغيرة ) تباع عند
الحانوت، قرصة ملح نعم الملح يعطي بنة بنينة للشكلاطة و كانها شيكولا noir
.
اخلطي جميع المكونات جيدا (ماعدا علبة الشكلاطة) فوق نار متوسطة دون
التوقف على التحريك و عندما تعقد أو تخثر أضيفي علبة الشكلاطة و واصلي
الخلط حتى تذوب الشكلاطة، ثم أفرغيها في أواني صغيرة و اذا حبيتي صنعيها
بالكريم شانتي اذا كان عندك ضيوف و رائعة عند التقديم.
ملاحظة: اذا لم تتوفر علبة الشكلاطة ابدليها
بملعقة كبيرة تاع الزبدة، بصح كون ديري علبة الشكلاطة يجي أبن من كريم
ديسير دانات اللي نشوفه في التلفاز.

[size=21]


فقط اعملي نصف لتر و احذفي الكاكاو و استبدليه بعطر الموز أو اي عطر من اختيارك، 2 م ك غبرة الشانتي تضاف في الأخير

التحضير
بسم الله توكلت على الله
في اناء ضعي الماء+ زيت + فرينة+ ملح + سكر. تخلط جيدا حتى تصبح ملساء


توضع على النار متوسطة و تحرك جيدا بتواصل حتى تصبح عجينة و تنزع وحدها من حواشي الإناء.


انزعي من النار و واضيفي حبة بيض و حركي بالملعقة جيدا 4 دقائق حتى تتداخل
في العجينة، ثم البيضة الأخرى و حركي جيدا 4 دقائق أخرى حتى تتداخل في
العجينة ، ثم البيضة الأخيرة و حركي جيدا حتى تتداخل و تصبح عندك عجينة
طرية قليلا و ليست صلبة هكذا

في كيس حليب أو بملعقة شكلي لزيكلار أو دوائر شو صغيرة هكذا في بلاطو مدهون بالزيت


تطهى في الفرن على نار متوسطة (5/10) مدة 20 دقيقة حتى تحمر و اتركيها تبرد نصف ساعة

تحضير الكريمة: في نفس الاناء الذي طهيتي فيه
العجينة شلليه بالماء فقط ثم أخلطي في الكريمة (لتفادي كثرة الأواني).
بعدما تطهى الكريمة غطيها بغلاف بلاستيكي و اتركيها تبرد في الثلاجة.


ثم أضيفي غبرة الشانتي

و خلطي بالخلاط و تصبح هكذا


افتحي حبات لزيكلار بموس منشار . لااحظي كيف راهي فارغة و مثقبة من الوسط . الدليل على انها صالحة




ضعي الكريمة بملعقة فقط حسب الرغبة



و في الأخير تزين بالشكلاطة


هذه لكن اخواتي بصحتكم تمتعن بالذوق


تذكروني في الدعاء

يعطيك الصحة مشكوووووووورة