" لـــم يــنــل مــنهـــا شــيــــاً "

والله بما أنك دكرتني سأحكي لكم هده الحكاية

كان واحد فقير ما عندوش واش ياكل يروح يصيد

في هداك النهار حكم سمكة وحدة

اداها لمرتو قالها طيبيها وخلينا نفطرو بيها

اي كي جات لمرا تنقي في السمكة صابت في داخلها جوهرة

قاتلو يا راجل أرواح تشوف واش لقيت

قالها أصبري ندي نبيعها ونجيب سمكة كبر من هادي نفطرو بيها

أيا داها لواحد يشري الجواهر قلب اديك الجوهرة

قالو هادي غالية ما نقدرش نشريها عليك وبعثو لعند واحد اخر

اي كي راح للراجل الاخر قالو كيما الاول وزاد بعثو لعند واحد اخر

اي كي راح لعندو قالو هدي الجوهرة غالية قالو غير واحد اللي يقدر يشريها عليك

وبعثو لعند الملك

كي راح للملك قلب الجوهرة وقال للرجل

عندك ست ساعات تدخل للمخزن ترفد واش تحب

فوق ست الساعات دقيقة وما كانش

اي دخل الرجل للمخزن

لقا غرفة الاولى معمرة بأنواع الدهب الفضة النقود كل الدراهم

اي راح للغرفة الثانية لقاها معمرة بأنواع الأفرشة من الحرير وغيرها

راح للثالثة لقا فيها كل انواع الأكل من فواكه ولحوم وغيرها

فكر الراجل معا روحو وقال أنا عندي ست ساعات واش رايح نرفد يكفيني

امالا ناكل وبعد ربي ورحمتو

أيا كلا حتى شبعها مليح

ومبعد جا خارج

كي وصل للغرفة الثانية كان ثقال من كثرة الأكل

حبس وقال مازال الحال أمالا نرقد حتى ساعة وبعد ربي ورحمتو

هو حط راسو جاء الحارس يطبطب قالو خلاصو الست السوايع نتاعك

قالو مازال ما ديت والو

قالو ما علبليش بيك

هي تلك الدنيا ما من أحد يكمل فيها ما يريد

نرسم سهم نقسمه إلى ثلاث أجزاء

الأول الدي عملته وانقضى

الثاني الدي انت تعمله الان

الثالث الدي تفكر في عمله مستقبلا

الجزء الثالث سينقضي مع السهم بينما يظل الدي تفكر في عمله مستقبلا لغيرك

اتعرف ما هو داك السهم

هو عمر الإنسان

أرجو أن أكون قد أفدت بالقليل.

موضوع صغير ولكن المعلومة التي فيه كبيرة
مشكوووووووووور اخي صهيب

بارك الله فيكما أخواي

كــــــــــــــــــلمات رائعة ،، كما عودتما دوما