أصدقائي الخمسة

صرت اعيش بوحده من بعدما تركني وراح ،صرنا انا والوحدة دوم مع بعض، نروح مع بعض، ونجي مع بعض، لا صديق
لا رفيق ،لا صوت صاحب ،لا احد يسالنا علامكم دوم مع بعض، ولا احد همه ، و الكل يفكر بنفسه ما عليه من احد عايش في حاله تجي ناس وتروح ولا هزت القلب .......وتغيب ناس وتاخذ القلب معاها
ما ادري الناس وين ولا وين ،من بعد فراقه ماصار يهمني احد ،مره انا والوحدة كنا جالسين مع بعض نحكي وايا بعض دخل علينا واحد وقال ودي اصادقكم قلت له :مين انت ؟
قال :انا الحزن
قلت له :تعال ... محتاجين احد يونسنا
وصرنا ثلاثه ، انا والوحدة والحزن ،دوم مع بعض ،نروح مع بعض ونجي مع بعض ، ما نفترق عن بعض ،كنا مرة ماشيين في الطريق نتبادل الهموم مرينا على وحدة شفناها جايت لنا من بعيد قال الحزن :شكلها قاصدتنا
جت عندي وقالت :تاخذني معاك؟
قلتها :مين انتي ؟
قالت :انا الدمعة،طلعوني من عيونك بالغصب
قلت لها :تعالي .....كنا محتاجين لك تخففين علينا
صرنا اربعة !
انا والوحدة والحزن والدمعة
دوم مع بعض ،نروح مع بعض ،ما نفترق عن بعض ،كنا نتسامر في ليلة من الليالي فجاة دخل علينا واحد وهو ينزف ،قال ودي اصاقكم
قلت له :مين انت ؟
قال : انا الجرح
قلت :لحظة .....انتظر
دقيت رقم احساسي
قلت له : حولني على قلبي
رد قلبي على : خير
قلت له : في جرح جديد قلت له يصادقنا
انتفض قلبي الحساس
قام يصارخ بكل الم :كاااااافي جروووووح ما اقدر اتحمل اكثر
قلت له : شسوي غصبا عني ،ما اقدر ارده .....خليه يكون الجرح الاخير
الوووو؟الوووو؟
رد علي احساسي سكرتير قلبي
وقال : نبض قلبك مات متاثر بجراحه
رحت للجرح وقلت له بكل اسى : حياك معانا
وصرنا خمسة
انا والوحدة والحزن والدمعة والجرح
دوم مع بعض ،نروح مع بعض ،ما نفترق عن بعض،وصار الفراق بينا صعب ،ما ابد يوم افترقنا تواعدنا على الوفا واتفقنا نبتعد عن طريقي الخيانة والجفا اتفقنا وقررنا مرة نروح نلقي نظرة على المكان اللي شهد لعبة الخيانة قمنا نناظر بكل اسى المكان اللي كنا نجلس فيه نناظر المكان اللي كان السبب في تعارفنا ولقانا،
وفجاة نزلت الدمعة من عيني وقام الجرح ينزف من جديد اما انا والحزن والوحدة صارخنا بصوت واحد
: ليييييييييييه؟؟؟؟؟؟؟؟؟؟ََ!!!!!!!!!!!