تلقاه jeune عمرو 19 20 و22 سنة فما فوق ..الطول و العرض الله يبارك يخلي الليسي و'la fac'و يروح يقعد قدام باب ال'cem' زعم "vampire" يستنى الفريسة تخرج.
و بنات cem بزاف فراجيل الضحكة تديهم و الخزرة تدوبهم و سيرتو الواحد اللي يعرف يهدر, يعرف يخزر, يعرف يتبسم , يعرف يلبس, يعرف يتبرفم, اي يدير الparfum , و يعرف نقاط الضعف نتاع الطفلة و يكون مينيو a la mode و
en vague .و يا خويا هديك المسكينة شكون يقوللها؟ يا خويا المخلوقة في بالها راهي في المريكان و هداك اللي معاها acteur و لا نجم من النجوم , بصح الحقيقة مرة هي حابة تعيش في الاحلام و بلاك على بالها بللي مجرد اوهام "لكن جومونفو".. هكدا تقول لروحها "خلوني نعيش". بصح يا بنت الناس الحياة ماشي هكدا,"Non Non" راكي تلقاي روحك"Hors Champ" , و انت يا ولد الناس كبير و تلعب ببنات الناس خمم مع راسك اكبر شوية... ولا وااااااااااااااااااااااااش رايكم يا جماعة؟؟؟؟؟؟؟؟